Heiss, heisser, Dubai! S erscht mal hämmer Dubai im September bereist. Euses Ziel isch gsi, drü Täg Golf spiele und drü Täg Dubai gseh. S Golfspiele isch bi Ussetemperature vo 43 °C e heissi Sach gsi. Trotzdem hämmers durezoge und de aktuelli Schlagrekord vom Pascal stammt immerno us Dubai. Mir sind aber uf jedere Rundi bestens mit Wasser und Iistüecher versorgt wurde. Am Namittag und Abig hämmer jewils die herrlich warme Temperature am Pool oder ime Restaurant gnosse. De zweiti Teil vo de Reis isch dänn prägt vo guetem Ässe, Shoppe und Apéro gsi. D Reis hät eus so guet gfalle, dasmer es zweitsmal, im Februar gsi sind. D Temperature sind dänn au Zabig um die herrliche 25 °C. Mir sind bestimmt nöd s letscht mal in Dubai gsi.
